Onze lieven heer hef vremde kostgangers

Dat heur iej hier in de regio regelmoatig veurbiej kommen in de wandelgangen.

Dat wiej hier in Gaander onze eigen 'dokter Pol' binnen de dorpskern hebt wonen kwam mooi an et licht, toen de kat van de noabers an werd gereden deur een luxe trekker met platte karre.

Et arme dierken oaverleafde de ramp neet en de buurt blagen stonden der biej te liep'm.

Ramp toeristen kwamen van alle kanten opdagen en de dierenambulance mos der an te pas kommen.

Een deur al et temuld op straot niejschierig geworden buurman, sloeg et grote leed gade en ontfermde zich over et poesebeest. "Potverdikke, der zat nog beweaging in de wieters leavenloze pluzebol.... et zal toch neet..?"

Raps schot buurman op de køkken an en kwam trugge met een groot mes um veurzichtig 'as een echte chirurg' operatie keizersnee uut te voeren.

Een klein wondertje an de rijksweg geschiedde... 4 van die kleine pluzebollekus kwamen ter wereld.

Wat een held! De poeze beeskus bunt per dierenambu afgevoerd en verkeer't in prima conditie!

De achterhoek is weer een mooi verhaal rieker en de held hef der volgens achterkoeks gebruuk een biejnaam an oaver gehollen, 'T B van de keizersnee!'

Miauw!!

Jos Salemink, Gaanderen